Minisitiri wa Siporo, Nelly Mukazayire, yashimye amakipe ya Police VC, REG VC, Kepler VC na APR VC yitabiriye Shampiyona Nyafurika yʼAmakipe yʼAbagabo [47th CAVB Men’s Club Championship], yahagarariye u Rwanda neza ndetse agahesha ishema Abanyarwanda.
Kuri uyu wa Gatatu ni bwo Minisitiri Mukazayire yakiriye aya makipe, ayizeza ko Leta iyashyigikiye, anayasaba gukomeza kwitwara neza akazegukana n’igikombe.
SOMA:Minisitiri wa Siporo yasuye Abanyarwanda bakina muri Bayern Munich Academy
Muri iri rushanwa, Police VC yabaye iya kabiri, REG VC iba iya gatatu, Kepler VC isoreza ku mwanya wa karindwi mu gihe APR VC yabaye iya 11 mu makipe 24.
Ikipe ya Police Volleyball Club yabaye iya kabiri ndetse iba iya mbere yo mu Rwanda ibikoze muri iri rushanwa ndetse biba ubwa mbere amakipe yo mu Rwanda yari ahuriye mu 1/2 cy’iri rushanwa.
About The Author
