Mu ijoro ryo kuri uyu wa kane Cristiano Ronaldo yafashije ikipe ye ya Al Nassr kwegukana igikombe cya shampiyona ya Saudi Arabia nyuma yo gutsinda ikipe ya Damac ibitego 4-1.
Umunyabigwi mu mupira w’amaguru, Cristiano Ronaldo, yegukanye Igikombe cya Shampiyona ya Saudi Arabia ku nshuro ya mbere ari muri Al Nassr acyongera ku bindi bigwi afite muri ruhago ni mu gihe muri 2022 aribwo Ronaldo yageze muri Al Nassr yo muri Saudi Pro League, aho yagombaga gufatanya na yo, akayihesha igikombe cy’iyi shampiyona baherukaga mu mwaka w’imikino wa 2018/19.
Mu ijoro ryo ku wa Kane, tariki ya 21 Gicurasi 2026, yakuyeho aya mateka mabi ubwo bakinaga na Damac bakayitsinda ibitego 4-1, mu mukino w’Umunsi 34 wa Saudi Pro League aho Ibitego byatsinzwe kuri uyu munsi, harimo icya Sadio Mane cyagiyemo ku munota wa 33, icya Kingsley Coman ku munota wa 51, na bibiri bya Cristiano Ronaldo ku munota wa 62 n’uwa 80.
Gutsinda uyu mukino byayihesheje amanota 86, irusha amanota abiri Al Hilal SC bihanganye, nubwo na yo yatsinze Al Feiha igitego 1-0, ihita yegukana Igikombe cya 10 cya Shampiyona ya Arabie Saoudite (1975, 1980, 1981, 1989, 1994, 1995, 2014, 2015, 2019, 2026.
Ibi byatumye Cristiano Ronaldo agira ibitego 973, mu rugendo rwe rwo kwandika amateka yo gutsinda ibitego 1000. Muri Saudi Pro League amaze gutsinda ibitego 102, mu gihe Al Nassr yayitsindiye ibitego 129.
About The Author
