Nyuma yo gutsinda ikipe ya Bugesera ibitego 2-0 bya Ndikumana Asman na Aziz Bassane ikipe ya Rayon Sports byayongereye amahirwe yo gusohokera u Rwanda muri CAF Confederations Cup aho yagize amanota 55 ku mwanya wa kane muri Shampiyona, ariko ikaba ku mwanya wa kabiri mu makipe yo mu Rwanda ubu ikaba isigaye isabwa kunganya gusa.
Ikipe ya Rayon Sports ibifashijwemo na Ndikumana Asman na Aziz Bassane, yatsinze Bugesera FC ibitego 2-0, mu mukino w’umunsi wa 33 muri Shampiyona y’u Rwanda. Rayon Sports yahise igira amanota 55 ku mwanya wa 4, irakurikirwa na Kiyovu n’amanota 52.
Kuwa Gatanu nibwo hazaba umukino wa nyuma wa 34 hagati y’aya makipe ahataniye gushaka itike yo kuzakina imikino ya CAF Confederations Cup 2026/27.
Mu gihe Kiyovu Sports yatsinda uyu mukino ibitego birenze 2, niyo yazahagarira u Rwanda, naho Rayon Sports itsinze cyangwa ikanganya byaba bihagije ngo izitabirire iyi mikino.
About The Author
