Kuri uyu wa gatanu saa moya Kiyovu Sports na Rayon Sports zirahurira mu mukino wa 34 wa shampiyona aho ikipe itsinda igomba kwegukana miliyoni 60 nk’ikipe yabaye iya kabiri muri shampiyona yo mu Rwanda ndetse hakiyongeraho n’ibihumbi 100 by’amadorari agera kuri miliyoni 150 y’u Rwanda atangwa na CAF ku ikipe yasohokeye igihugu byose hamwe bigahura na miliyoni 210 z’amanyarwanda.
Rayon Sports na Kiyovu Sports zirahurira mu mukino ukomeye w’Umunsi wa 34 ari na wo wa nyuma wa Shampiyona ku mugoroba wo kuri uyu wa Gatanu.
Ikipe itsinda irabona itike yo kuzahagararira u Rwanda muri CAF Confederation Cup ya 2026/27. Kunganya byaha amahirwe ikipe ya Rayon Sports kuri ubu irusha Kiyovu Sports amanota atatu.
Gutsinda uyu mukino bivuze kuba uwa kabiri muri Shampiyona aho bijyana n’igihembo cya miliyoni 60 Frw ibyo kandi bikaba bihesha iyo kipe ya kabiri kuzabona ibihumbi 100$ (miliyoni 150 Frw) atangwa na CAF ku makipe akina ijonjora rya mbere ry’amarushanwa Nyafurika.
Rayon Sports iheruka kubwira abakinnyi bayo ko bazabona ibihumbi 500 Frw nibabona itike ya CAF CC. Ni mu gihe Kiyovu Sports yashyizeho ibihumbi 200 Frw mu gihe abakinnyi bayo batsinda uyu mukino.
About The Author
