Umuhanzi Alikiba wo muri Tanzania udasiba kwifatanya n’Abanyarwanda kenshi mu bihe byo kwibuka Jenoside yakorewe Abatutsi mu 1994, no kuri iyi nshuro twibuka ku nshuro ya 32, yongeye gushyira hanze ubutumwa bw’amafoto bwerekana ko yifatanyije n’Abanyarwanda muri iki gihe.
Inshuro nyinshi buri mwaka uko Abanyarwanda bibuka, uyu muhanzi akunze gutanga ubutumwa bwerekana ko aba ari kumwe nabo.
Kuri iyi nshuro yifashishije imbuga nkoranyambaga, kuri uyu wa Gatandatu tariki ya 11 Mata 2026, yasangije abamukurikira ifoto y’umugore ushushanya uwarokotse Jenoside yakorewe Abatutsi mu 1994, imbere ye hari urumuri rw’icyizere, atanga ubutumwa bw’ihimure ko Jenoside itazasubira ukundi.
AliKiba ari mu bahanzi b’izina rikomeye muri Afurika y’Iburasirazuba na Afurika muri rusange ni umwe mu bahanzi bagirana umubano mwiza n’u Rwanda ndetse bakundwa n’Abanyarwanda kuko nko mu bihe bya vuba yasoreje umwaka wa 2025 i Kigali.
Uyu muhanzi yari yaje mu gitaramo cyari cyateguwe n’Umujyi wa Kigali cyari cyiswe “Kigali ishyushye”.
About The Author
