Ikipe y’igihugu ya Mali yatangiye neza urugendo rwo gushaka itike y’Igikombe cya Afurika cya 2027, itsinda Cape Verde ibitego 3-1 mu mukino wabereye kuri Stade du 26 Mars i Bamako.
Iyi ntsinzi yahaye Mali amanota atatu, bituma igira amanota angana n’ay’u Rwanda muri Group K, nyuma y’uko amakipe yombi atangiriye ku ntsinzi y’ibitego 3-1.
Mali yafunguye amazamu ku munota wa gatanu w’umukino, ubwo A. M. Tia yatsindaga igitego cya mbere.
Amavubi yatsinze Liberia ibitego 3-1, atangira urugendo rwa CAN 2027 neza
Cape Verde yahise yishyura igitego yari imaze gutsindwa nyuma y’iminota itanu gusa, S. L. Cabral atsindira ikipe ye igitego cyo kunganya, umukino uba 1-1.
Mali yakomeje gusatira izamu rya Cape Verde, maze ku munota wa 39 N. Dorgeles atsinda igitego cya kabiri, bituma abakinnyi ba Mali bajya kuruhuka bayoboye umukino 2-1.
Mu gice cya kabiri, Mali yakomeje kwiharira umukino byahise bituma Ku munota wa 51, Dorgeles ahita yongera gutsinda igitego, ahita atsinda icya kabiri cye muri uyu mukino, Mali iba iyoboye 3-1.
Cape Verde yagerageje gushaka uko yagaruka mu mukino, ariko ntiyabasha kubona ikindi gitego.
Nyuma y’imikino ibanza, Mali n’u Rwanda byombi bifite amanota atatu muri Group K. Cape Verde na Liberia byo ntibirabona inota na rimwe.
About The Author
1 thought on “Mali yatsinze Cape Verde ibitego 3-1, ihita inganya amanota na Amavubi muri Group K”