Minisitiri w’Uburezi, Joseph Nsengimana, ari kumwe n’abakozi b’iyi Minisiteri ndetse n’abandi bayobozi n’abakozi b’ibigo bishinzwe uburezi, bibutse ku nshuro ya 32 Jenoside yakorewe Abatutsi mu 1994.
Iki gikorwa cyabereye ku Rwibutso rwa Jenoside rwa Kigali ruherereye ku Gisozi.Aba bayobozi n’abakozi babanje gutemberezwa muri uru rwibutso, basobanurirwa amateka ya Jenoside yakorewe Abatutsi.
Nyuma, bunamira inzirakarengane zazize Jenoside, banashyira indabo ku mva bashinguyemo.Bashyize kandi indabo ku mva, bazirikana abahoze ari abakozi bakoraga mu rwego rw’uburezi bishwe muri Jenoside yakorewe Abatutsi mu 1994.
Muri iki gikorwa by’umwihariko hibutswe abakozi 77 bishwe mu gihe cya Jenoside yakorewe Abatutsi bahoze bakorera iyari Minisiteri y’Amashuri Abanza n’Ayisumbuye, Minisiteri y’Amashuri Makuru, Ubushakashatsi n’Umuco ndetse n’ibindi bigo byari biyishamikiyeho.
About The Author
