Impuzamashyirahamwe y’Umupira w’Amaguru ku Isi, FIFA, iri gusuzuma umushinga wo kongera umubare w’amakipe azitabira FIFA Club World Cup akava kuri 32 akagera kuri 48 guhera mu mwaka wa 2029.
Iyi gahunda iri mu murongo w’ivugurura FIFA yatangiye ryo kwagura amarushanwa yayo no guha amahirwe menshi amakipe aturuka ku migabane itandukanye.
Kuva iri rushanwa ryavugururwa rikagirwa iry’amakipe 32, ryitezweho kongera ihangana rikomeye hagati y’amakipe yabaye aya mbere iwayo ku migabane yose.
Kongeramo andi makipe 16 byatuma Afurika, Aziya na Amerika y’Amajyepfo babona imyanya myinshi, bigafasha kuzamura urwego rw’umupira w’amaguru ku isi hose.
Nubwo hari impungenge z’uko kongera imikino bishobora kunaniza abakinnyi no kongera ubucucike muri kalendari y’amarushanwa, FIFA ivuga ko iri vugurura rigamije kongera ubucuruzi, abafana ndetse n’amahirwe y’ishoramari. Ibyemezo bya nyuma ku miterere mishya y’iri rushanwa bitegerejwe mu gihe kiri imbere.
SOMA INKURU : Kimenyi Yves yahagaritse burundu gukina umupira w’amaguru
About The Author
