Ibihugu by’u Rwanda na Uganda byahuriye mu nama ya 12 ya Komisiyo ihuriweho igamije kwiga uko ubufatanye bwabyo bwarushaho kwaguka.
Ni inama iri kubera i Kampala muri Uganda kuva tariki 20 kugeza ku wa 22 Mata 2026, ikaba iri kwibanda ku mikoranire mu bya gisirikare n’umutekano, iterambere ry’ibikorwaremezo, imiyoborere y’urwego rw’abinjira n’abasohoka, ubufatanye hagati ya polisi z’ibihugu byombi, uburezi n’ibindi.
Muri iyi nama itsinda ryaturutse mu Rwanda riyobowe na Teta Gisa umuyobozi mukuru ushinzwe Afurika muri Minisiteri w’Ububanyi n’Amahanga n’Ubutwererane, naho ku ruhande rwa Uganda riyobowe na Richard Kabonero ushinze ubuhahirane mu Karere.
Impande zombi ziranasuzuma intambwe yatewe ku ishyirwa mu bikorwa ry’amasezerano yashyizweho umukono mu nama ya 11 yabereye i Kigali mu 2023.
About The Author
