Cano ya YouTube y’umuhanzi RunUp yamaze guhindurirwa amazina yitirirwa kompanyi ya Siinko bakoranga mu bikorwa by’umuziki we.
Mu minsi ishize ubwo uyu muhanzi yaganiraga n’itangazamakuru, yavuze ko hari ibibazo yagiranye n’aba banya-Nigeria bakoranye, biba ngombwa ko batandukana gusa bamusaba kwishyura arenga miliyoni 17 Frw.
Mu kiganiro yagiranye na IGIHE, yaragize ati “Havutse ibibazo biba ngombwa ko twatandukana ariko ansaba ko kugira ngo bikunde ngomba kumwishyura ibihumbi 17$ (arenga miliyoni 24Frw). Nyuma yo kuganira byibuza twemeranyije kwishyura ibihumbi 12$ (arenga miliyoni 17Frw) nayo nkayamuha mu byiciro.”
SOMA:RunUp waciwe akayabo agiye guhindura izina
Ibi nabyo ngo byaje kwanga, bemeranya ko bategereza amasezerano y’imyaka atatu isigaye ikarangira cyangwa agatangira gukoresha amazina mashya mu muziki.
RunUp nyuma yo kubona ko ibi bisa no kumunaniza ndetse akaba atamara iyo myaka yose adakora umuziki, ngo yiyemeje ko yahindura amazina agasa n’utangira gukora bundi bushya.
About The Author
