Aziz Bassane wari wafatiwe ibihano na Rayon Sports yababariwe ndetse ahita atangira n’imyitozo mu rwego rwo kwitegura umukino karundura ikipe ya Rayon Sports ifitanye na APR FC ( 1000 Hills Derby ) kuri uyu wa gatandatu saa kumi n’ebyiri kuri stade Amahoro.
Rutahizamu ukina uca ku mpande Aziz Bassane ukinira Rayon Sports yamaze kubabarirwa n’iyi kipe ndetse ahita atangira imyitozo mu kwitegura umukino bafitanye n’umukeba w’ibihe byose APR FC bagomba gukina kuri uyu wa gatandatu.
Ibi bihano Aziz Bassane yari yafatiwe bikaba byari byatangajwe ko byari byaturutse ku myitwarire ye aribyo byatumye bafata uwo mwanzuro gusa umuntu akaba yavuga ko barebye urugamba bafite bakirengagiza amakosa bakamwitabaza nk’umuntu ugomba gutanga umusanzu ukomeye.
Aziz Bassane akaba asanzwe ari umukinnyi ikipe ya Rayon Sports igenderaho nubwo nyuma yaje gusubira inyuma ibintu bashinja imyitwarire mibi yagiye imuranga.
About The Author
