Al Ahly SC yo mu Misiri yegukanye Shampiyona Nyafurika yʼAmakipe yʼAbagabo muri Volleyball [CAVB Men’s Club Championship 2026], itsinze Police VC yo mu Rwanda, amaseti 3-0.
Uyu mukino wa nyuma wabaye kuri uyu wa Gatandatu tariki 2 Gicurasi 2026 muri BK Arena, warangiye Al Ahly itsinze amaseti 3-0 bwa Police VC (20-25, 21-25, 25-22).
Iyi ni inshuro ya 17 Al Ahly yegukana iri rushanwa ryakinwaga ku nshuro ya 47. Ni na yo kipe isoje iri rushanwa kuri iyi nshuro idatsinzwe umukino, cyangwa iseti mu mukino.
SOMA:Rayon Sports inaniwe gukurikira APR FC itsikirira i Rubavu
Police VC yo, ni uyu mukino wonyine itsinzwe kuko yageze ku wa nyuma itaratsindwa na rimwe. Iyi kipe ya Polisi y’u Rwanda, yegukanye umwanya wa kabiri. Yabaye ikipe ya mbere yo mu Rwanda kandi igeze ku mukino wa nyuma muri iri rushanwa mu mateka.
Muri iyi mikino REG VC na yo y’u Rwanda yegukanye uwa gatatu nyuma yo gutsinda Petrojet Sporting Club na yo yo mu Misiri, amaseti 3-0.
Amakipe yahagarariye u Rwanda ni uku yitwaye, Police igarukiye ku mukino wa nyuma, REG ya gatatu, Kepler VC yasezerewe muri 1/4, na APR VC yaviriyemo muri 1/8.
About The Author
