Uwahoze ari umutoza wa Police FC, Umunya-Tunisia Ben Moussa, yishimiye hejuru iyi kipe nyuma yo gutakaza igikombe cya Super Cup itsinzwe na Kiyovu Sports igitego 1-0.
Ku Cyumweru, habaye umukino wa nyuma wa Super Cup wahuje Police FC na Kiyovu Sports kuri Kigali Pelé Stadium. Kiyovu Sports ni yo yegukanye igikombe, itsinze Police FC igitego 1-0 cyatsinzwe na Hakim Hamis.
Nyuma yo gutakaza iki gikombe, Ben Moussa wahoze atoza Police FC yongeye kugaruka kuri iyi kipe, nyuma yo gutandukana na yo nabi. Yagaragaje ko umwaka ugiye gushira ari we wayihesheje igikombe.
Abinyujije kuri Instagram ye, Ben Moussa yashyizeho ifoto yishimira igikombe cy’Intwari yahesheje Police FC muri Gashyantare uyu mwaka, ayiherekeza n’amagambo agira ati: “Umwaka ugiye gushira.”
Ben Moussa yinjiye muri Police FC mu mwaka w’imikino wa 2025-26, ariko nyuma y’uko umwaka w’imikino urangiye, impande zombi zitandukanye.
About The Author
