Umuhanzi Harmonize wo muri Tanzania yatangaje ko yatandukanye n’umukinnyi wa filime Frida Kajala, nyuma y’uko bari bongeye kwiyunga.
Harmonize yabitangaje ku wa 4 Nzeri 2026, ubwo yamurikaga album ye nshya. Yavuze ko we na Kajala bamaze hafi amezi atatu batandukanye, ariko akaba yari yarabihisemo kutabivugaho kuko atari yiteguye kubitangaza.
Harmonize na Kajala batangiye gukundana mu 2020, baza gutandukana mu 2021. Bongeye kwiyunga mu 2022, ariko nyuma bongera gutandukana. Mu mpera za 2025, bongeye gusubirana, ndetse muri Mutarama 2026 bongera kugaragara bari kumwe mu birori bitandukanye.
Harmonize yakoze album ’31’ ashaka gufata Afurika mu mpande zose z’umuziki
Nubwo byagaragaraga ko umubano wabo wongeye kuba mwiza, Harmonize yavuze ko batandukanye kuva muri Kamena 2026.
Uyu muhanzi yavuze ko umwanzuro wo gutandukana bawufashe bombi kandi nta makimbirane akomeye yabaye hagati yabo. Yanavuze ko Kajala ari umuntu mwiza, ndetse amwita umugore amaze igihe kinini akundana na we kurusha abandi.
Kugeza ubu, Kajala ntacyo aratangaza ku bijyanye no gutandukana kwabo.
About The Author
