Urubyiruko rw’Imbonerakure rushamikiye kw’ishyaka CNDD-FDD riri ku butegetsi mu Burundi, nirwo rugenzura ibirombe byinshi bya zahabu mu turere twa Fizi na Uvila muri Kivu y’Epfo mu Burasirazuba bwa Repubulika iharanira Demokarasi ya Congo.
Amakuru Dukesha African intelligence, yemeza ko ibirombe bya Mukela, Itota na Kanande muri Fizi na Gasozo, Mangwa na Masango muri Uvila bikungahaza Perezida Ndayishimiye Evaritse w’u Burundi mu gihe Aba-Congomani bicira isazi mu maso.
Hagati ya tariki 14 na 17 Ukuboza, nibwo Brigade ya 5 y’ingabo z’u Burundi FDNB yavuye mu birindiro yari ifite mu Bibogoboga, Rugezi, Point zero, Minembwe na Bijabo.
Ubufatanye mu bya gisirikare hagati ya Perezida Ndayishimiye na Felix Tshisekedi buvugwamo umugambi mubisha w’ubwicanyi ku baturage bo mu bwoko bw’Abatutsi muri Kivu zombi.
AFC/M23 yari ihanganye n’ihuriro ririmo FDLR na Wazalendo, ingabo za Leta FARDC ni z’ u Burundi yabakuye Bunagana ibageza mu marembo ya Bujumbura muri Uvila, umujyi baherutse kurekura vuba.
About The Author
