Elon Musk rwiyemezamirimo akaba n’umushoramari mu ikoranabuhanga ari kubaka ubwami bw’ubutunzi butigeze bugerwaho nundi muntu uwo ariwe wese ku giti cye.
Raporo y’ikigega Mpuzamahanga cy’Imari itangaza ko kugeza none tariki 24 Ukuboza 2025 umutungo wa Elon Musk ubarirwa agaciro ka Miliyari zirenga 750 mu madolari y’Amerika.
Nubwo inyandiko z’ikinyamakuru kizoberewe iby’ubukungu Bloomberg zemeza ko ari Miliyari $650.
Ibi ubwabyo bishyira Elon Musk mu mwanya wo kurusha ibihugu 170 mu isi ubutunzi ugendeye ku musaruro mbumbe w’ibikorerwa imbere mu gihugu (Nominal GDP) urebeye ku gaciro k’ibikorwa muri buri gihugu.
Ibihugu byose bigize umugabane w’Afurika 54 biri kuri uru rutonde, kuko Afurika y’epfo iyoboye ibindi kuri uyu mugabane ifite agaciro k’ibikorerwa imbere mu gihugu kangana na Miliyari 410.3 $, Misiri igakurikira 374.3$, Algeria 268.9 $ ….. n’ahandi.
Ibihugu by’ibihangange nka Norway, Greece, United Arab Emirates, Portugal, Argentina, Israel Vietnam n’ibindi byinshi nabyo biri kuri uru rutonde.
Ikintu cy’ingenzi kumenya hano nuko umutungo wa Elon Musk utari mu mafaranga afatika, ubitse mu gaciro k’imigabane afite mu bigo bikomeye yashinze nka TESLA, SPACEX, X&XAl ,NEUALINK &BORING COMPANY.
Imigabane ya Musk muri Tesla ingana na 12.8% ifite agaciro ka Miliyari 140$, Spacex afitemo 40% ifite agaciro ka Miliyari 340$, agenzura 100% bya X &XAl ( yahoze Ari Twitter) ifite agaciro ka Miliyari 125$ n’indi migabane mito mito mu bindi bigo nka Neuralink na Boring company.
Ibi bisobanuye ko mu gihe isoko ry’imari n’imigabane ryahungabana byahita bigira ingaruka zako kanya ku butunzi bwa Elon Musk.
Kubera ko isoko ry’imari n’imigabane rihindagurika buri kanya, iyi nyandiko ibiyikubiyemo n’igereranya ryose twagarutseho bishobora kwiyongera cyangwa bikagabanuka bitewe n’ibihe.
About The Author
