Ishyirahamwe ry’umupira w’amaguru muri Nigeria ryagaragaje ko ritanyuzwe n’icyemezo cya FIFA cyafashe, gitesha agaciro ikirego cyari cyatanzwe gishinja Democratic Republic of the Congo gukinisha abakinnyi batujuje ibisabwa.
Nigeria ivuga ko hari ibimenyetso bifatika byerekana ko bamwe mu bakinnyi ba DRC baba barakoresheje pasiporo zitari zo cyangwa zatanzwe mu buryo burimo uburiganya.
Ibi ngo byaba byarabahaye uburenganzira bwo gukina mu buryo butemewe mu mikino yo gushaka itike y’Igikombe cy’Isi cya 2026.
Nubwo FIFA yamaze gutangaza ko nta gihamya gihagije cyatanzwe, Nigeria yo ivuga ko izakomeza gushaka ubutabera binyuze mu kujurira, igasaba ko hakorwa iperereza ryimbitse kuri iki kibazo.
Iki cyemezo cyo kujurira gishobora kongera gukaza umwuka hagati y’ibi bihugu byombi, cyane cyane mu gihe amarushanwa yo gushaka itike akomeje gukomera muri Afurika .
SOMA INKURU : Menya Abasifuzi bane b’Abanyarwanda bazayobora FIFA Series 2026 i Kigali
About The Author
