Umuhanzi Patoranking uri mu bayoboye mu njyana ya ‘Dancehall’ muri Afurika, yashyize Bruce Melodie mu bihangange bya Afurika binyuze mu mashusho mato ateguza indirimbo ye nshya “African Soldier” yitegura gushyira hanze vuba.
Muri aya mashusho y’iyi ndirimbo izajya hanze ku wa 11 Werurwe 2026, Bruce Melodie yashyizwe n’ibyamamare bikomeye muri Afurika haba mu muziki, ruhago, na politike.
Ubutumwa buri muri iyi ndirimbo bwumvikanisha gukomera ku bunyafurika nkaho uyu muhanzi agira ati: “I’m an African soldier… solid as a rock”, agaragaza ubudahangarwa bw’abanyafurika ndetse agaragaza bamwe muri bo mu bakoze ibikorwa bihambaye.
SOMA:Afurika igiye kumva Bruce Melodie
Ibindi byamamare bigaragara muri iyi ndirimbo harimo abahanzi bakomeye muri Nigeria, Ghana, DR Congo, bamwe mu babaye intwari za Afurika nka Nelson Mandela, Thomas Sankara, Kwame Nkrumah, n’abandi.
Patoranking wamamaye mu ndirimbo nka “Heal D World”, “Abule”, My Woman, My Everything”, n’izindi, asanzwe ari hafi ya Bruce Melodie cyane ko bari bagiye no gukora indirimbo “Pom Pom” gusa bikarangira amuhaye Joel Brown.
About The Author
