Minisitiri w’Ububanyi n’Amahanga w’u Rwanda, Amb. Olivier Nduhungirehe, yitabiriye inama y’iminsi iburi ya 49 isanzwe y’Inama Nkuru ya Nyobozi y’Umuryango wa Afurika Yunze Ubumwe (AU).
ku mugoroba wo ku Cyumweru nibwo Amb. Olivier Nduhungurehe yageze i Addis Ababa muri Ethiopia, aho iyi nama izabera iteganyijwe ku wa 28 na 29 Nyakanga 2026.
Akigera ku Kibuga cy’Indege cya Bole International Airport, Minisitiri Nduhungirehe yakiriwe n’Umuyobozi ushinzwe Protocol muri Minisiteri y’Ububanyi n’Amahanga ya Ethiopia, Melaku Bedada.
Muri iyi nama, ari kumwe n’abandi ba Minisitiri b’Ububanyi n’Amahanga b’ibihugu bya Afurika, bazaganira ku bibazo by’ingenzi bireba umugabane, by’umwihariko insanganyamatsiko y’uyu mwaka igira iti: “Guharanira ko amazi aboneka ku buryo burambye no guteza imbere isuku n’isukura bikwiye, mu rwego rwo kugera ku ntego z’icyerekezo cya Afurika cya 2063.”
Iyi nama ni urubuga rukomeye rutuma ibihugu bya Afurika bihuriza hamwe imbaraga, bigashaka ibisubizo by’ibibazo bihuriweho, hagamijwe iterambere rirambye n’imibereho myiza y’abaturage bo ku mugabane wa Afurika.
About The Author
