Arsenal iracyahura n’ikibazo gikomeye cy’ubukene bw’ibitego muri Premier League 2025/26. Mu mikino 23 imaze gukinwa, ikipe yatsinze ibitego 42 gusa.
Ni mugihe kandi Arsenal iba ifite amahirwe menshi ku gitego (expected goals) angana na 41.22.
Iki kibazo cyagaragaye cyane ku bakinnyi b’imbere, aho abakinnyi batanu bayoboye ikipe mu gukina imbere na mukinnyi numwe urengeje ibitego 5.
Umukinnyi uyoboye Arsenal mu gutsinda ni Leandro Trossard afite ibitego 5, akurikiranwa na Viktor Gyökeres nawe ufite ibitego 5. Mu gihe hari n’ibitego 4 byitsizwe n’abo bahanganye (Own Goal).
Abandi bakinnyi bane banganya ibitego harimo Eberechi Eze, Mikel Merino, Declan Rice na Bukayo Saka aho bose bafite ibitego bine.
Abakinnyi batandukanye bari mu bihe bigoye kuko na Bukayo saka amaze imikino 13 atabasha gutsinda igitego mu marushwanwa yose. Siwe gusa kuko n’abandi basangiye ako gahigo kuko na Noni Madueke amaze imikino 25 atareba izamu ndetse na Gabriel Martineli umaze imikino 13 ndetse na Gyokeres umaze imikino 11 adatsinda igitego kitari penaliti.
Iki kibazo cyatumye Arsenal itakaza amanota y’ingenzi, cyane mu mikino yanganyije cyangwa yatsinzwe n’ikinyuranyo gito. Ni nyuma yo kumara imikino itatu nta manota atatu ibonye ku mukino wa Liverpool na Nottingham Foresh banganyije ndetse n’umukino batsinzwemo na Manchester United.
Abasesenguzi basanga Arsenal ikwiye kongera imbaraga mu gice cy’imbere no gushaka umukinnyi uyitwarira ibitego mu bihe bikomeye, kugira ngo igumane amahirwe yo guhatanira ibikombe.
About The Author
