Abanyarwanda bo muri Uganda bahuriye mu gitaramo cyabereye kuri Lugogo Cricket Oval kuri uyu wa Gatandatu tariki 03 Mutarama 2026.
Aba Banyarwanda bavukiye ndetse bagakurira muri Uganda, bahuriye mu ihuriro ryiswe “Abavandimwe”, rikaba rigamije kurinda umuco wabo, ndetse no gufashanya mu bibazo bahura nabyo birimo n’ibyirangamimerere.
Iri huriro riyoboye na Frank Gashumba, ryahuriye mu gitaramo cya mbere cyahuje Abavandimwe bazwi nka “Banyarwanda” muri Uganda. Muri iki gitaramo cyaririmbwemo n’abahanzi nka Eddy Kenzo, abakitabiriye bari bambaye imyenda y’imyeru.
Iki gitaramo kibaye ku nshuro ya mbere, Perezida wa Uganda Yoweri Kaguta Museveni na we yageneye ubutumwa abakitabiriye abashimira uruhare bagize mu kumushyigikira mu gihe yiyamamazaga ndetse abizeza ko ibibazo bahura nabyo abizi bityo akomeza kugira icyo abikoraho.
Mu mibare igaragazwa ivuga ko muri Uganda hari “Banyarwanda” barenga miliyoni 11, ubwoko bwa 24 bunemewe mu itegeko nshinga ry’icyo gihugu.
About The Author
