Umuhanzikazi Shakira nyuma yo kunyurwa n’uko itsinda ry’abana babyina bo muri Uganda, Ghetto Kids babyinnye indirimbo “Dai Dai” yakoranye na Burna Boy bayikorera igikombe cy’Isi cya 2026, yahise abatumira ngo bazabyinane ku mukino wa nyuma w’iri rushanwa.
Skakira ukunzwe guhirwa n’indirimbo akorera Impuzamashyirahamwe y’umupira w’amaguru ku Isi (FIFA), ku mikino y’igikombe cy’Isi, yabonye amashusho y’aba bana byabina indirimbo ye “Dai Dai” kuri Instagram maze abasubiza yishimye ndetse aboneraho kubasaba ko bazabyinana ku mukino wa nyuma.
Aba bana bazwiho ubuhanga bwihariye mu kubyina imbyino nyinshi zo ku Isi bagiye batumirwa mu bikorwa byinshi birimo amarushanwa ndetse ibirori bitandukanye ku Isi.
Umukino wa nyuma w’igikombe cy’Isi uzaba tariki 19 Nyakanga 2026 kuri New Jersey Stadium iherereye i New York, aho Shakira, Madonna n’itsinda rya BTS ari bo bazaririmba muri ibi birori bya ruhago.
About The Author
