Abahanzi barimo Bruce Melodie, Chriss Eazy, Element, Alyn Sano na Kevin Kade bagiye gutangira guhatanira ibihembo muri ‘Rubavu Music Awards and Talent Detection’ bigiye gutangirwa mu Karere ka Rubavu ku nshuro ya kabiri aho bizatangira guhatanirwa mu majwi kuva ku wa 15 Gicurasi 2026 mu gihe amajwi y’abakunzi b’umuziki azaba afite 50% na ho abanyamakuru b’imyidagaduro mu Karere ka Rubavu bakazatorera kuri 50% asigaye.
Ibi bihembo bitegurwa na sosiyete yitwa ’Future Novelty Company’ ifatanyije n’ikigo cya ’Vision Jeunesse Nouvelle’ ndetse n’Akarere ka Rubavu bizahemba abahanzi bari mu byiciro 12 birimo icy’abahanzi bakomeye mu gihugu bakunzwe muri aka Karere gihatanirwa n’abarimo Bruce Melodie, Chriss Eazy, Element, Alyn Sano na Kevin Kade.
Mu bindi byiciro bihatanirwa harimo nk’icyiswe ‘Rubavu Boost Artist of the year’ gihatanirwa n’abahanzi baturuka muri aka karere bahagaze bwuma mu muziki aho iki cyiciro gihatanamo abarimo Okkama,Kendo, Ariel Wayz, Lucky Logan na Mutima.
Byitezwe ko abahanzi bazahiga abandi bazashyikirizwa ibihembo byabo ku wa 30 Gicurasi 2026 mu birori bizabera mu nyubako yitwa ‘Kivu Intare Arena- Rubavu’.
About The Author
