Abanyeshuri biga mu Ishuri Rikuru rya Gisirikare rya RDF (RDFJCSC), icyiciro cya 26, batangiye urugendoshuri rugamije kwiga ku ntambara yo kubohora igihugu yakozwe n’Ingabo za RPA.
Ni urugendoshuri batangiye kuva ku ya 8 kuzageza ku ya 10 Mata 2026. Uru rugendo rugamije kubafasha kurushaho gusobanukirwa uburyo ingabo za RPA zabohoye u Rwanda ku butegetsi bubi ndetse zigahagarika Jenoside yakorewe Abatutsi mu 1994.
Urugendoshuri rwatangiriye ku mupaka wa Kagitumba, aho abarwitabiriye bahawe ibiganiro n’abajenerali ba RDF ndetse na bamwe mu bayobozi bakuru b’ingabo bagize uruhare mu rugamba rwo kubohora igihugu.
Uru rugendoshuri rwibanda ku gusesengura intambara zikomeye zabayeho, hagamijwe gukuramo amasomo no kongerera ubumenyi abanyeshuri ku bijyanye n’imitegurire n’imiyoborere y’urugamba.
About The Author
