Ibirori bya Shining Stars Africa Awards 2026 bihatanyemo abantu mu ngeri zitandukanye harimo n’abafite amazina azwi muri Afurika no mu Rwanda byahumuye.
Tariki ya 07 Werurwe 2026 mu cyumba cyagutse cyakira abagera ku 1000 muri Olympic Hotel hazabera ibirori byo gutanga ibihembo mu byiciro bitandukanye birimo imiyoborere, ubuhanzi, siporo, ubucuruzi, imideli n’ibindi.
Ibi birori bikaba bizarangwa no gutanga ibihembo, kumurika imideli, kungurana ibitekerezo n’umuziki w’abahanzi baturutse mu bihugu bitandukanye unyuze ku rubuga rwa www.festivoz.com watora umunyarwanda ushyigikiye.
Mu bahanzi bazasusurutsa abazitabira harimo abamaze gushinga imizi mu bihugu bitandukanye barimo TopCheri wo muri Namibia, Prince Luv wa Zambia, Bossgia wa Tanzania, Shana Sierra wa Uganda, Zyrah wa Tanzania na Noela wa Uganda.
SOMA:Kigali igiye kwakira itangwa ry’ibihembo bya Shining Stars Africa Awards 2026
Mu bahataniye ibi bihembo mu Rwanda harimo Mutesi Jolly, Massamba Intore, Kigali Protocal, Jojo, Nadia Nany, Rocky Kimomo, Passy Sweet, Bianca Baby, MC Tino n’abandi.
Muri Afurika y’Iburasirazuba harimo Juma Jux, Priscy, Mbosso, Paula Kajala, Tanasha Donna, Jasinta Makwabe, Meena Ally, Zamaradi Mketema, Shali Ahmed, Bukuru Adnette, Niyubahwe Kelly n’abandi.
Naho muri rusange muri Afurika no hanze yayo harimo Fally Ipupa, Uche Montana, Lady Lava, Tianna, C4 Pedro, Veronica Adane n’abandi.
Abahatanye muri rusange bakaba baturuka mu bihugu bigera kuri 40 byiganjemo iby’Afurika no hanze yayo, mu byo hanze harimo Haiti, USA, Trinidad&Tobago.
Amatora arakomeje ku rubuga rwa www.festivoz.com rwihariye ku banyarwanda na ssaward.com muri rusange.
About The Author
