Benjamin Netanyahu Minisitiri w’Intebe wa Israel akaba n’umuyobozi w’akanama gashizwe umutekano muri icyo gihugu, ku wa 12 Ukuboza 2025 yahamagaje abagize iyi komite bemeza bemeza ibice cumi n’icyenda bisazwe bituyemo imiryango y’Abayahudi muri West Bank.
Abagize ako kanama ni Minisitiri w’Ububanyi n’Amahanga Gideon Sa’ar, Minisiteri w’Ingabo Israel Katz , Minisitiri w’Ubutabera Yariv Levin, Minisitiri w’ubukungu Bezalel Smotrick na Minisitiri w’umutekano w’imbere mu gihugu Itamar Ben Gvir.
Ni icyemezo cyamaganiwe kure n’ibihugu bikomeye byo mu Burengerazuba bw’Isi nku’ubwami bw’Abongereza, Canada, Ubudage,Ubutaliyani n’ibindi mu nama yabahurije hamwe ku wa 24 Ukuboza 2025.
Gutuza abayahudi muri West Bank na Yerusalemu y’Uburasirazuba bihababye n’ingingo ya 49 mu mategeko ya Geneva akumira ibihugu gutuza cyangwa kujyana abaturage babyo mu bice byigaruriwe nyuma y’intambara.
Amagambo ya Israel Katz yongeye kwibutsa ibi bihugu ko Israel ari igihugu kigenga gifite uburenganzira busesuye bwo gutuza abaturage bacyo ku butaka bita ubwabo nubwo amategeko mpuzamahanga atemera West Bank nk’agace kagize Israel.
Agace ka West Bank kigaruriwe na Israel mu gihe cy’intambara yiswe iy’iminsi itandatu hagati ya tariki 5-10 Kamena mu 1967, Israel ihangana n’ibihugu by’Abarabu.
Kugeza ubu imibare ihishura ko Israel imaze gutuza Abayahudi barenga ibihumbi 700 muri West Bank na Yerusalemu y’Uburasirazuba kuva muri Nzeri 1967 kugeza ubu 2025.
About The Author
