U Rwanda rwakomeje gushyira imbere kurengera ingagi zo mu Birunga binyuze mu micungire y’ubukerarugendo bwazo, aho buri tsinda ry’abakerarugendo ryemerewe kumara isaha imwe (60 minutes) risura itsinda ry’ingagi kugira ngo zirindwe imbogamizi ku buzima bw’izi nyamaswa.
Iyi saha yo kureba ingagi iyo imaze kugerwaho, abarinda pariki bayipima neza kugira ngo habungabungwe ubuzima n’imyitwarire yazo isanzwe mu ishyamba.
Impamvu nyamukuru y’iki cyemezo ni ukugabanya ihungabana ku ngagi no kuzirinda indwara zituruka ku bantu. Ingagi zifite ubuzima bujya gusa n’ubw’abantu kuko dusangiye 98% by’utunyangingo, bityo indwara zoroheje zirimo ibicurane cyangwa umuyaga bishobora kuzigiraho ingaruka. Kugena igihe gito cyo kuzisura hamwe no gushyiraho amabwiriza yo kuguma ku ntera ntarengwa hagati y’abantu n’ingagi bifasha kugabanya ibyago byo gukwirakwiza udukoko tuba mu bantu muri zo.
Byongeye kandi, guha buri tsinda abantu umunani (8) gusa hamwe na gahunda yo kwirinda urusaku rwinshi n’ibikorwa bindi bituma izi nyamaswa zitabangamirwa n’ingaruka ziterwa n’ubwinshi bw’abantu. Izi ngamba zose zigamije kurinda ko ingagi zisubira mu myitwarire yazo isanzwe, zikaramba kandi zigakomeza kuba ahantu hakurura ba mukerarugendo mu buryo burambye.
U Rwanda rugaragaza ko ubukerarugendo bushyira imbere imibereho y’inyamaswa, bukarinda ibidukikije, kandi bugatanga inyungu ku bukungu bw’igihugu n’imibereho y’abaturage batuye hafi ya Pariki y’Igihugu y’Ibirunga ndetse no muri rusange.
About The Author
