Mu mukino w’ishyiraniro mu cyiciro cy’abagore wahuzaga ikipe ya Rayon Sports WFC ku kibuga cya Skol mu Nzove na APR WFC urangiye Rayo Sports iyitsinze ibitego 2 kuri 0 itera intambwe iyiganisha ku gikombe.
Uyu mukino wari utegerejwe n’abatari bake dore ko APR na Rayon Sports ahantu bahuriye hose baba ari abakeba uyu mukino ukaba warangiye Rayon Sports WFC yegukanye amanota 3 bahise binayiha amahirwe menshi yo kuzegukana igikombe cya shampiyona mu bagore.
Ibitego bya Rayon Sports byatsinzwe na Nahimana Nasra ku munota wa 29 ikindi gitsindwa na Ntakobanjila Nelly Salama ku munota wa 84 byahise binatuma Rayon Sports y’abagore ikora agahigo ko kumara imyaka ibiri n’amezi 10 idatsindirwa ku kibuga cyayo.
Muri Shampiyona y’abagore ikipe ya Rayon Sports WFC mu mukino ukurikira mu gihe cyose yatsinda cyangwa ikanganya ikaba yahita yegukana igikombe cya shampiyona nta kabuza.
About The Author
