Muri Los Angeles, USA, mu mukino wahuje amakipe akomeye muri shampiyona ya Los Angeles Lakers na Boston Celtics, umukinnyi Lebron James yabaye umukinnyi wa mbere mu mateka ya National Basketball Association (NBA) ugejeje amanota angana na 43,000 mu mikino isanzwe ya shampiyona.
James yageze kuri aka gahigo mu gice cya gatatu ku gikorwa cya lay-up, nubwo Lakers batsinzwe ku manota 111–89 na Celtics ku kibuga cyabo.
Uretse ako gahigo gakomeye, uyu mukinnyi w’imyaka 41 yakinnye imikino ye ya NBA ingana na 1,600, akomeza kwegera Robert Parish umukinnyi wa mbere umaze gukina imikino myinshi ingana na 1,611 muri NBA.
James yasoje uwo mukino afite amanota 20, imipira yatsinze 9/21, imipira yatanze 5, no gufata imipira 4. Uyu mugabo yakunzwe ku rwego rw’isi yongeye kwerekana ko ataracika intege, ari mu bakinnyi bazwi cyane muri NBA mu mateka ya basketball.
Aka gahigo ka mbere k’amanota 43,000 akarusha n’abandi bazwi nka Kareem Abdul-Jabbar, Karl Malone cyangwa Michael Jordan bari inyuma mu rutonde rw’abakinnyi bashoboye gushyira amanota menshi mu mateka ya NBA.
SOMA INKURU : APR FC na Al-Merrikh SC mu biganiro byo gusinyana amasezerano y’ubufatanye
About The Author
