Rutahizamu wa Real Madrid, Kylian Mbappe yarwaniye ishyaka bikomeye mugenzi we Vinicius Jr wakorewe irondaruhu mu ijoro ryakeye.
Mu mukino wa kamarampaka wa UEFA Champions League wahuje Benfica na Real Madrid, umukinnyi Gianluca Prestianni yumvikanye mu mashusho yita Vini Jr, inkende.
Mbappe yavuze ko uyu mukinnyi yanze no kuvuga mu izina mu rwego ngo rwo kutamuha n’agaciro, yamwiyumviye avuga ko Vini ari inkende inshuro eshatu.
Uyu mufaransa ukomoka ku babyeyi b’abanyafurika, yakomeje avuga ko uyu mukinnyi wa Benfica atagakwiye kuba anakina amarushanwa ya UEFA Champions League.
Uyu mukino Vini Jr yakorewe irondaruhu wanarangiye Real Madrid iwutsinze ku gitego 1-0, cyanatsinzwe n’uyu munya-Brazil ukina aca mu mpande.
About The Author
