Komisiyo ishizwe amatora muri Guinea Conakry yatangaje ko Gen Mamady Doumbouya wari usanzwe uyobora iki gihugu mu nzibacyuho yatsinze amatora y’Umukuru w’Igihugu ku majwi 86.72%
Gen Doumbouya yegukanye iyi tsinzi mu matora yabaye tariki 28 Ukuboza 2025, ahatanye n’abandi bantu umunani barimo abahoze muri Guverinoma n’abatavuga rumwe n’ubutegetsi bwe.
Ibyavuye mu matora byatangajwe na komisiyo y’amatora biracyafatwa nk’iby’agateganyo mu gihe Urukiko rw’Ikirenga muri Guinea Conakry rutarabyemeza.
Perezida wa komisiyo y’amatora Djanabou Toure yaraye atangaje ko abantu Miliyoni 6.8 bari kuri List y’itora 80.94,% muri bo aribo batoye.
Gen Doumbouya yageze ku butegetsi muri coup d’etat yahiritsemo uwahoze ari perezida wa Guinea Conakry, Alpha Conde muri Nzeri 2021, icyo gihe yari yatanze isezerano ko ataziyamamariza umwanya w’umukuru w’Igihugu.
Mu Nzeri uyu mwaka muri Guinea Conakry habaye amatora ya kamaramaka, asiga abaturage barenga 90% bemeje ko Itegeko Nshinga rivugururwa ,Gen Doumbouya akemererwa kwiyamamariza umwanya w’umukuru w’Igihugu.
Mu busazwe manda y’umukuru w’Igihugu muri Guinea Conakry yamaraga imyaka itanu, gusa ubu itegeko nshinga rivuguruye ryayishyize ku myaka irindwi.
About The Author
