Igikorwa cyo kongerera ubumenyi abayobozi ba FERWAFA cyabereye kuri FERWAFA Accommodation Facility ku wa Gatanu, tariki ya 20 Gashyantare 2026, cyitabirwa n’abayobozi batandukanye barimo Ndayisenga Davis uyobora Icyicaro cy’Iterambere cya FIFA mu karere kiri i Kigali na Sixbert Habimana ushinzwe Iterambere ry’Amashyirahamwe.
Iki gikorwa cyahujwe n’inama isanzwe y’abayobozi ba FERWAFA, hagarukwa ku ngingo zitandukanye zirimo gutandukanya inshingano za buri muyobozi no kunoza imikorere y’inzego zigize iri shyirahamwe.
Ubuyobozi bwa FERWAFA bwagaragaje ko kunoza imiyoborere bizorohereza imikoranire n’abafatanyabikorwa, abaterankunga ndetse n’abanyamuryango.
Umunyamabanga akaba n’Umuyobozi Mukuru wa FERWAFA, Bonnie Mugabe, yavuze ko ubumenyi bahawe buzabafasha gukorera hamwe no kugera ku ntego zo kuzamura urwego rw’umupira w’amaguru mu Rwanda.
SOMA INKURU : MINISPORTS na Atlético Madrid Bafatanyije guhugura abatoza bo mu Rwanda
About The Author
