Producer wa mbere muri Afurika kuri ubu Element EleéeH, nk’uko byanemejwe na AFRIMA yamuhaye iki gihembo, atangiranye ibikorwa bihambaye umwaka wa 2026.
Uyu muhanzi usanzwe anacura injyana z’umuziki Element EleéeH, uretse ibitaramo bizenguruka Uburayi ari gukora, afite n’indirimbo 3 zimaze kujya hanze yakozeho.
Izi ndirimbo zirimo “Cherie” ya Gloria Bugie ukorera umuziki muri Uganda, “Chocolate” ya Chriss Eazy, “Inzira y’Umusaraba” ya Junior Rumaga na Kivumbi King, ndetse na “Que Paso” ya RunUp iri mu nzira.
SOMA:The Ben yakoranye indirimbo na Zuchu
Izi ndirimbo zose zagiye hanze muri izi ntangiriro za Gashyantare 2026 ndetse ziyongeraho na “Last Time” ya Paccy Kizito (Kipa) yagiye hanze mu buryo bw’amashusho mu minsi ya vuba.
Element kandi wakoze “Tsunami” ya RunUp yabaye indirimbo nziza ya 2025, ni na we wakoze indirimbo “Que Paso” y’uyu muhanzi nayo igiye kujya hanze mu minsi iri imbere.
Ibi byose kandi birakurikira ibitaramo Element ari gukora bizenguruka Uburayi, bizageza no muri Werurwe 2026.
About The Author
