Confederation of African Football (CAF) yatangaje ko yongereye amafaranga y’ibihembo ku makipe yitwaye neza mu marushanwa yayo ya CAF Champions League na CAF Confederation Cup mu gihe cya 2025/2026.
Iki cyemezo kigamije gushimangira ko gukora cyane no guteza imbere umupira w’amaguru ku mugabane w’Afurika bigomba guhabwa agaciro k’amafaranga menshi.
Muri CAF Champions League, uwegukana igikombe azahabwa $6 miliyoni, naho uwa kabiri azakira $2 miliyoni. Amakipe agera muri ½ azajya ahabwa $1.2 miliyoni, ayagera muri ¼ $900 000, mu gihe ayasoje ku mwanya wa 3 cyangwa 4 mu matsinda azajya ahabwa $700 000.
Noneho muri CAF Confederation Cup, uwa mbere azinjiza $4 miliyoni, uwa kabiri $1 miliyoni, abandi bageze muri ½ $750 000, muri ¼ $550 000, naho amakipe asoje ku mwanya wa 3 cyangwa 4 mu itsinda azahabwa $400 000.
CAF yasobanuye ko kuzamura ibi bihembo hagamijwe gufasha amakipe gushaka intsinzi ndetse no guteza imbere ibikorwaremezo, no kugumana abakinnyi bakomeye ku mugabane w’ Africa, bityo umupira w’Afurika ukaba urushaho kuba uw’agaciro n’amarushanwa azwi ku rwego mpuzamahanga.
Ndetse mukongera ibi bihembo bizafasha amakipe nka APR FC,Rayon Sport na Police Fc guhatanira kujya muri ayo marushanwa.
Ndetse Uyu mwanzuro uzatanga umusaruro ku makipe akomeye yo ku mugabane kandi ushimangira ko umupira w’amaguru wa Afurika uri gutera imbere mu buryo bw’umwuga n’ubukungu.
SOMA INKURU : APR BBC yisanze mu itsinda rikomeye muri BAL 2026
About The Author
